İntihar etməyin cəzası
Azərbaycanda günü-gündən artan intihar hadisələrinin
səbəbləri barədə müxtəlif fikirlər səsləndirilir. Mütəxəssislər insanların
aldıqları psixoloji travma, keçirdikləri depressiyanın köklərini daha çox
mühit, sosial problemlərlə əlaqələndirirlər, həmin insanları zəiflikdə, həyata
az bağlılqda suçlayırlar.
İntihar yolunu seçənlərə edilən ittihamlardan biri də
yaradana inanmamaları, İslam dinindən uzaq olmalarıyla bağlıdır. Amma məsələ
burasındadır ki, İslamın qadağan etdiyi, bu dinə görə böyük günah sayılan
intiharı seçənlərin bəziləri elə dindar adamlardır. Məsələn, dünən öz intiharı
ilə böyük ajiotaj yaradan tanınmış psixoloq Dəyanət Rzayevin də dindar olduğu
bildirilir. Belə olan halda, "intiharların çoxalması bəlkə İslama inamın
azalması ilə bağlıdır” sualını meydana gətirir.
Ümumiyyətlə İslamda intiharlarla bağlı nələr var?
Din bu yolu seçənləri hansı cəzanın gözlədiyini bəyan edir?
Məsələnin aktuallığını nəzərə alaraq, Zuhur.Az bununla bağlı bəzi seçmələri, dindarlar arasında tez-tez söylənilən hədisləri təqdim
edir:
İslama görə, hər hansı bir insanı öldürmək böyük
günahdır və bir insanı haqsız yerə öldürən kimsə bütün insanları öldürmüş
kimidir (Maidə, 32). Çünki insan dəyərli bir varlıqdır. Bu varlığın canını,
malını və namusunu İslam öz mühafizəsi altına alıb və bu üç şeyə toxunmağı
qadağan edib.
Başqa bir ayədə isə belə buyurulur: "Hər kəs
bir mömin şəxsi qəsdən öldürərsə, onun cəzası əbədi qalacağı cəhənnəmdir. Allah
ona qəzəb və lənət edər, onun üçün böyük əzab hazırlar!" (Nisa, 93).
O ki qaldı intihara, insanın özünü öldürməsi
başqasını öldürməsindən daha dəhşətli və daha böyük günahdır. Çünki insanın
canı ona əmanətdir. Heç kim öz canının sahibi deyil. Heç kim öz üzərində söz
sahibi deyil. Bütün səmavi dinlərin günümüzə qədər daşıdıqları ortaq xüsusiyyətlərdən
biri "nəfsi (canı) qorumaqdır". Bu, insan övladına yüklənən ən önəmli
məsuliyyətdir.
İmanı güclü olan şəxs əsla intihara əl atmaz.
Canlarına qəsd edənlər həyatlarına son verməklə
bütün əziyyətlərdən qurtulacaqlarını düşünürlər. Halbuki onların daha ağır əzablara
düçar olacaqlarını bu hədislərdən görmək olur: "Kim özünü bir şey ilə
öldürsə, cəhənnəmdə eyni şey ilə əzab ediləcəkdir" (Buxari, Kitabu’l-İman
hədis N:159 , Muslim Kitabu’l İman hədis N:160).
"Kim bir təpədən özünü aşağıya atıb özünü
öldürsə, əbədiyyən cəhənnəmdə yuvarlanacaq. Kim zəhərli bir maddə içərək özünü
öldürsə əbədiyyən zəhər içəcək. Kim özünü dəmir bir alətlə öldürsə cəhənnəmdə də
o aləti durmadan qarnına sancacaqdır" (Buxari, Kitabu’d-Tıbbi hədis
N:5333, Muslim, Kitabu`l İmam Hədis N:158, Əbu Davud Dıbb N:3374).
Nəinki intihar, hətta bilə-bilə cana əziyyət vermək,
özünü təhlükəyə atmaq da dinimizdə qadağandır. Rəvayət olunduğuna görə səhabələrdən
Amr ibn As Zatu`s-Səlasil səfərində ihtilam olur (boynuna qüsl gəlir), hava çox
soyuq olduğu üçün su ola-ola ölüm qorxusundan təyəmmümlə namaz qıldırır. Bu
hadisəni Hz Peyğəmbərə xəbər verəndə Amrın bu hərəkətini bəyənir (Əbu Davud, Təharət,
124; Əhməd ibn Hənbəl, IV, 203).
İntihar əvvəlki ümmətlərdə də haram olub. Cundub ibn
Abdullah Hz Peyğəmbərin (s) belə dediyini rəvayət edib: "Sizdən əvvəlki
ümmətlərdən birində yaralı bir adam var idi. Yarasının ağrısına dözə bilməyib
bıçaq götürərək əlini kəsir. Ancaq qanı kəsə bilmədiyi üçün ölür. Allah-Təala
onun haqqında belə buyurdu: "Qulum can haqqında mənim önümə keçdi, mən də
ona cənnəti haram qıldım" (Buxari, Ənbiya, 50).
Hz Rəsulullah (s) Xeybər döyüşündə aldığı yaralara
dözə bilməyib qılıncı ilə özünü öldürən səhabənin də cəhənnəmə gedəcəyini xəbər
verib (Buxari, Qədər, 5, Riqaq, 33, Məğazi, 38, Cihad, 77; Muslim, İman, 179;
Kamil Miras, Təcrid-i Sarih, X, 266 268).
Gördüyümüz kimi, intihar qurtuluş yolu deyil, əksinə
əbədi olan axirət həyatını bərbad etməkdir. Qurtuluşun yolu
"sıratu-mustaqim" deyə ifadə edilən haqq yol ilə gedərək müsibətlərə
səbirli və dözümlü olmaqdır. Hər çətinliyin arxasında bir asanlıq, hər məğlubiyyətin
arxasında bir zəfər var.
Unutmayaq ki, bədən Uca Allahın insan övladına
verdiyi ən böyük əmanətdir. Bu əmanəti ruh bədəndən insanın öz müdaxiləsi
olmadan çıxmayana qədər qorumaq lazımdır. Buna görə də insanın mənəvi və fiziki
sıxıntılara sona qədər səbir göstərməsi İslamın qayəsidir. Əks halda, intihar
etməklə dünyəvi sıxıntı və problemlərini həll edəcəyini düşünən kimsə dərhal
üzləşəcəyi qəbir və daha sonra axirət həyatında daha böyük sıxıntı və fəlakətlərlə
qarşılaşacaq. Həyat ən pis şərtlər altında da gözəldir.
Tarix: 12 May 2025 Şərhlər: 9 Oxunub: 309283
Şərhlər - 9
Allah aqlimizi elimizden almasin
Salamun əleykum bəli intihar etmək böyük günahdir çünki öz canina özün qiya bilməzsən əmanətdi can sənə
Ən böyük günahdi canina qəsd etməy Allah canimizi bizə əmanət verib onu qorumaliyiq????????
Allah veren canı Allahda Almaldı .biz kimik ki nə kimi gücə sahibik ki bizi yarada bile bilməyəcəyimiz canı almaq kimide haqqımız olsun? Əsla Allah gunahlarmzı əff etsin
En boyuk gunah olan umudzulukdu
Cehenemin qapisi birci açanda allah tela buyrub kimdi inthar etmek fikrinden kecren insan menim qezebme tus gelecek
Allah bizi pis işlərdən çəkindirsin Bizləri Əhlibeyt Yolundan ayrı salamasın İnşəAllah
Pis günümüzə yaxşı günümüzə Şükürlər Olsun Ya Rəbbim can sənin mal sənin sən bizi sevdiyin bəndələrdən eylə pis insanlardan şeytanlardan pis nəfislərdən qoru Ya Rəbb oxuyun qardaş bacılarımıza ehdiyacı olanları nəsib et İn'şallah ????????????????
En boyuk gunah olan umudsuzluk ve intihar dan Allah qorusun bizi. Her insanin aglina gelen bu vesvese ve dushunceden sene penah apariram ve butun yerin goyun belasindan sene siginiram gozel Allahim. Sen ne gozel siginacaqsan. Meni menden qoru.